Dr Bhupen Hazarika Cultural Trust

Songs

Lyrics

ৰিম্‌ ঝিম্‌ ৰিম্‌ ঝিম্‌ বৰষুণে

কথা ঃ মোৰ আইৰ চকুপানী আৰু দেউতাৰ কপালৰ ঘাম কোন দেশৰ মাটিত সৰি পৰে?
গীত-

ৰিম্‌ ঝিম্‌ ৰিম্‌ ঝিম্‌ বৰষুণে
নেপুৰ বজায় ক’ত?
গিৰ্‌ গিৰ্‌ ডাৱৰেনো

মাদল বজায় ক’ত? এই মোৰ অসম দেশত, অসম দেশত৷

মাইহাং বাটিত সোৱাদ পানী
যাচে কোনে ক’ত?
কাৰ পদূলিত কেতেকীনো
মলেমলায় ক’ত?
এই অসম দেশত, অসম দেশত৷৷

এধানি এধানি নৈ সাগৰ হয় ক’ত?
সেই সাগৰকো ভয় নকৰেনো কোনে ক’ত?
এই অসম দেশত, অসম দেশত৷

আইৰে চকুৰে মুকুতানো সৰে ক’ত?
সেই মুকুতাৰে মণি পিন্ধি সাহ পাওঁ ক’ত?
মোৰ দেউতাৰে কপালৰে ঘাম সৰে ক’ত?
সেই ঘাম দেখি মৰোঁ যেনে লাগে বাৰু ক’ত?
অ’ মোৰ অসম দেশত৷

(১৯৮০ চনত সংযোগ হ’ল তলৰ গীতৰ শাৰীকেইটা)

Swaralipi of this Song